英超重頭戲曼聯主場迎戰車路士，相信球迷必定留意「紅魔」新帥人選，官方已公布新帥艾摩廉將於11月11日上任。
曼聯暫由助教雲尼斯達萊出任看守領隊，上周中喺英聯盃首次領軍成功反底，以5比2大勝李斯特城，估計就算艾摩廉上任，「雲佬」仍然會擔當重要角色協助新帥，始終磨合需時。受到新帥影響下，估計一眾「紅魔鬼」為保前程，必定戰意十足，特別係今季表現低沉嘅「福仔」拉舒福特，有望被重新激活，今場面對車路士估計人腳變化不大，唯一改變相信係一班「紅魔鬼」嘅鬥志。
各有優勢預計和波
車路士雖然上周中喺英聯盃對紐卡素以0比2落敗，但「車仔」始終人腳充裕。主帥馬利斯卡返回聯賽必定起用今季攻入7球嘅高爾彭馬，以佢哋近期攻擊力，今場要攻入「紅魔」大門相信無難度，不過「紅魔」受到新帥快將上任嘅刺激，「車仔」要全取3分相信唔容易，估計今場大有機會握手言和。文:謝德謙
百家贴士
