韋斯利科芬拿喺22年夏天由李斯特城加盟車路士，用咗7000萬英鎊，但呢3季加埋只出咗27場，原因係經歷不少傷患，膝頭哥加ACL都試過，令到佢生涯嘅潛力大打折扣。
要知道傷咗呢兩個位，必定唔多唔少會令球員速度上減慢，一般需要長時間先復原，Pick up返球員高強度嘅比賽狀態，7場波科芬拿嘅表現可以話中規中矩，佢嘅出球能力依然係佢賣點，時不時會上前助攻，佢嘅控球能力經常幫助球隊拉開闊度，亦十分有自信地去控制後場Build up。
但係科芬拿防守問題依然都係好嚴重，始終差唔多兩季冇踢過波，再加上本身防守嘅位置感麻麻地，以往喺李斯特城經常都係用速度去補救，1對1能力唔夠好依然都係問題，會成日去胡亂出腳，對森林同狼隊都差啲出事，不過位置感係可以每日去磨練嘅，睇吓之後會進步幾多。
科芬拿的確要俾多啲時間佢重新適應，希望佢可以用站位去彌補速度問題。Willhappy
